تصريحات نارية من رئيس نادي الزمالك حسين لبيب

ملخص تصريحات حسين لبيب عضو اللجنة المكلفة بإدارة نادي الزمالك

صّرح الكابتن حسين لبيب عضو اللجنة المكلفة بإدارة نادي الزمالك أمس عبر قناة الزمالك الرسمية في برنامج " زملكاوي " الذي يقدمة الكابتن خالد الغندور وأيضا عبر شبكة قنوات أون تايم سبورتس في مكالمات هاتفية الآتي.

تكلم الكابتن حسين لبيب عن عدة ملفات منها ملف اللاعب مصطفي محمد والصفقات الجديدة واللاعبين المعارين والعروض المقدمة للقوام الأساسي وتجديد العقود للاعبين أيضا نوضحها جميعها لكم.

تصريحات الكابتن حسين لبيب :-

" كل المجموعة اللي معايا محدش فيهم قصر وعملوا الشغل اللي عليهم ٣-٤ أضعاف ، وبطلنا نتكلم على قصة المديونات وان مفيش فلوس ، وبطلب من جمهور الزمالك التأني وعدم استعجالنا في اتخاذ اي قرار."

" عملنا بالتعاون مع شركة كبيرة نادي كورة في الامارات باسم "الزمالك " وذلك سيفيد في شعبية الزمالك وهيساعدنا في تصدير المدربين المميزين للدول العربية، وهذا الامر سنستفيد منه ماديا أيضا بالاضافة من الاتفاق مع وزارة الطيران المدني لادارة نادي ايرو سبورت رياضيا وبدأنا بأربع لعبات بما يعني وجود فرعين جديدين للنادي."

" أتسألت 10 مرات عن دور فاروق جعفر في الزمالك وبلف بالإجابه، مفيش حد مسئول عن الكرة ومحدش يتكلم إلا كارتيرون ومتفقين معاه علي كده، دور فاروق جعفر وحسين السيد وحسين لبيب احنا متفقين علي حاجات معينه وانا في حل من ذكرها واتفقت مع كارتيرون علي أمور وانا في حل من ذكرها ايضاً.. وبالإذن."

" كارتيرون هو المسؤول الأول و الأخير عن ملف كرة القدم بالكامل وله كامل الإختيارات."

" صحيت م النوم لقيت مصطفى محمد مكلمني اكتر من مرة من رقمه ورقم تركي وقالي انا في فرنسا وعايز اروح بوردو."

" لو جالطا سراي بعتولنا ايميل التفعيل كنا كدا كدا هناخد فلوسنا ولكن في يونيو ٢٠٢٢ واحنا حاولنا معاهم اننا ناخد جزء من المبلغ دلوقتي لكن محصلش اتفاق وكمان لينا ١٥٪؜ نية البيع لو كانوا باعوه لبوردو."

" يوسف أوباما لاعبا للزمالك لسنه قادمه."

" ردا ع موضوع تقديم قضيه ف الكأس: الرياضه ف الملعب مش ف المحاكم و احنا خلاص الابطال و خدنا البطوله بعرقنا ف الملعب."

" أنت بطل الدوري و طبيعي تحافظ علي قوام بطل الدوري و هيعود ست معارين للزمالك هما مصطفى فتحي و عمر السعيد و رزاق سيسيه و كريم بامبو و أوناجم و محمد صبحي و سيتم التجديد لاوناجم و مصطفى فتحي."

" في صفقتين تلاته كمان غير عمر كمال مش هفعل عقدهم الا لما اعرف قوام الفريق الرئيسي ، احنا مش بنشتغل بالفهلوه ، مش لازم نفصح عن الصفقات عشان نرضي الناس."