عين ما بتنامش.. حكاية هشام بطل الأمن اللي أنقذ المصنع من أكبر سرقة
في وقت ناس كتير بتعدي يومها عادي، كان هشام عبدالمنعم محمد علي، فرد الأمن في مصنع أسمنت بني سويف، واقف في مكانه بعين ما بتغفلش.
لاحظ تحركات غريبة لعدة أشخاص بيحاولوا يدخلوا ويخرجوا في أوقات مش طبيعية، ومن هنا بدأ يركز ويراقب بهدوء من غير ما يحسسهم. تابعهم لأيام، وسجل ملاحظاته لحد ما اكتشف خطة سرقة كبيرة كانت هتستهدف معدات غالية ومواد خام بمبالغ توصل لملايين الجنيهات.
بذكاء، بلغ الإدارة في الوقت المناسب، واتفق معاهم على خطة محكمة، ولما الحرامية بدأوا التنفيذ، كانوا مستنيينهم واتمسكوا متلبسين ووقعوا في شر أعمالهم.
اللي عمله هشام مش مجرد شغل ده إخلاص ووعي وشجاعة حقيقية.
